কথাশিল্প - ১৩

কথাশিল্প -১৩

দাপোণ

আপুনি বাৰু দাপোণৰ কাষত বাৰেপতি গৈ নিজৰ গাল-মুখ চাই থাকে নেকি ?নে নিজক আনৰ আগত কেনেকৈ সুন্দৰ ভাৱে দেখুৱাব পাৰি তাৰ ৰহস্য ভেদ কৰে ? অৰ্থাত্‍ প্ৰৰ্দশনকামিতাৰ ওপৰত গুৰুত্ব নিদিয়ে জানো !! যুৱতীবিলাকে কিন্তু এইক্ষেত্ৰত কোনো গুণে পিছপৰা নহয় |আচলতে নিজে সুন্দৰ হৈ থকা অতি ভাল কথা |সমান্তৰালভাৱে কিন্তু সমাজখনো সুন্দৰ কৰি ৰখা কামফেৰাত আমি অৱহেলা কৰিব নালাগে |

দাপোণৰ সন্মুখত কেতিয়াবা নিজৰ খং প্ৰত্যক্ষ কৰিছেনে ?যদিহে নাই কৰা তেন্তে কৰক এবাৰলৈ আৰু খঙৰ মূল্য , উত্‍পত্তি বিচাৰ কৰক |ক্ষণিকৰ বাবে হ’লেও নিজৰ খং নাইকিয়া হোৱাৰ লগতে নিজক ভালদৰে চিনিবলৈ চেষ্টা কৰিব |আৰু যিবিলাকৰ খং নুঠে সেইবিলাকে দাপোণৰ সন্মুখত ৰৈ হাঁহি থাকক |হা হা হাঃ ...

-ৰনৌজ কুমাৰ গগৈ

কথাশিল্প - ১২

কথাশিল্প - ১২
খং

আপোনাৰ বাৰু খং উঠিলে সামগ্ৰী নষ্ট কৰে নেকি ?নে মুখ ফুলাই একেবাৰে আকাশ -পাতাল ভাবি থাকে ?আমি সকলোৱে জানো খং নামে চন্ডাল |তদুপৰি খঙক আত্মসংযম , ধৈৰ্যৰে মুখামুখি হ’বৰ বাবে আমি পাৰ্যমানে চেষ্টা কৰিব লাগে |এইটো সত্য যে খঙৰ সময়ত কিছুলোকে হিতাহিত জ্ঞান হেৰুৱাই যিকোনো কাম কৰি দিয়ে |প্ৰণিধানযোগ্য যে নৱপ্ৰজন্মৰ বহুতে সাধাৰণ কথাতে পৰিকলণ যন্ত্ৰ , ভ্ৰাম্যভাষ ও বয়বস্তু ভাঙে |আৰু কিছুৱে নিজৰ দেহৰ অংগত ৰং-বিৰঙৰ তেজৰ ছবি আঁকে |

আনহাতে আন কাৰোবাক খং কৰাৰ আগতে চিন্তা কৰা উচিত ও সেই বিষয়টো হাঁহিৰে বুজাবৰ বাবে চেষ্টা কৰা উচিত |অৱশ্য একান্তই অন্তৰেৰে ভাল পোৱাজনক নিৰ্ভয়ে খং কৰিব পাৰি আৰু গালি পাৰিব পাৰি |কিন্তু তাতো সীমাবদ্ধতা থকা উচিত |

- ৰনৌজ কুমাৰ গগৈ |