মুক্ত চিন্তাঃ ১

(২৪ মাৰ্চ ২০১৩, ১০ চ’ত ১৯৩৪ শক দেওবাৰ) সততে মানুহৰ মুখত শুনিবলৈ পাওঁ - " জোনটো" বস্তু আনিব লাগিছিল ..... প্ৰকৃততে "জোনটো" বুলি কয় নে ? নে মোৰেই বিভ্ৰান্তি !!! এইটো নিশ্চিত যে জোন পৃথিৱীৰ উপগ্ৰহ | আৰু মোৰ আজীৱন প্ৰেয়সীৰ নাম জোনজনী | সি যি কি নহওক, মই যিকোনো বা যিটো বুলি কওঁ এইক্ষেত্ৰত ; সিবিলাক কথা বেলেগলৈ এৰিলো | এতিয়া আহোঁ আন এটা কথালৈ ভাত বনোৱাৰ পৰা ৰন্ধালৈ | আজিকালি ৰান্ধনিয়ে ভাত বনায় ; ভাত নাৰান্ধে | আৰু মানুহবোৰে ’ ঘৰত যায়’ ; ঘৰলৈ নাযায় , ’খাব যায়’, কিন্তু খাবলৈ নাযায় | দেখা গৈছে বহুতে কালি আৰু কাইলৈ ৰ পাৰ্থক্য নাজানে | এনেকুৱা অলেখ উদাহৰণ মোৰ ওচৰত আছে | মই ক’বলৈ নাযাওঁ | যিহেতু মই ভাষা বিশেষজ্ঞ নহয়; ইয়াৰ সামান্য জ্ঞানো নাই | মাথোঁ কথা ক’ব পাৰো | অসমীয়া বৈদ্যুতিন মাধ্যমত দেখিছোঁ- " কাজিৰঙাত গঁড় চাব যদি আহক "| নাজানো কিয় তেনেদৰে লিখে - স্বনামধন্য লোকসকলে | যিসকলে অনবৰতে অসমীয়া ভাষাৰ বিস্তাৰ, অস্তিত্বৰ কথা কৈ সমালোচনাৰে পানী নসৰকা কৰে তেওঁলোকে এইক্ষেত্ৰত পণ্ডিত | - © ৰনৌজ কুমাৰ