সাম্প্ৰতিক সময়ত শিশু সাহিত্য কেনেধৰণৰ হ’ব - আলোচনা হৈছে যদিও কি আঁচনি লৈছে যদিও ক’ব পৰা হোৱা নাই | উত্তৰ -পূব গুৱাহাটী গ্ৰন্থমেলা যোৱা (২০১০ ) বৰ্ষত শিশু সাহিত্য সম্পকত শিশু সাহিত্যিক গগন চন্দ্ৰ অধিকাৰী দেৱে কিছুমান পৰামৰ্শ আগবঢ়াইছিল - ইংৰাজী ভাষাতো বহুতো শিশু সাহিত্য ৰচনা কৰাৰ প্ৰয়োজনবোধ কৰা হৈছে ,কাৰণ এই সময়ত প্ৰায়বোৰ অভিভাৱকে সন্তানটিক মাতৄভাষাৰ বিদ্যালয়খনত নাম ভৰ্ত্তি নকৰে | সেইহেতুকে ইংৰাজী ভাষাটোৰ ওপৰত দখল থকা লোকে আগবাঢ়ি অহাটো মই ব্যক্তিগতভাৱে পোষকতা কৰো -লগতে এইটোও তেঁও কৈছিল যে আলোচনা চক্ৰত আলোচিত হোৱা কথাবোৰ ছপা আকাৰে প্ৰকাশ কৰিব লাগে |কথাষাৰ সকলোৱে সহমত পোষণ কৰিছিল | হয়তো পৰৱৰ্তী গ্ৰন্থমেলাত দেখা যাব |
জোনাকী যুগৰ পৰা শিশু সাহিত্যৰ ধৰণ সলনি হোৱা পৰিলক্ষিত হোৱা দেখা যায় | কাৰণ , তেতিয়াৰ শিশুৰ পৰিবেশ আৰু এতিয়াৰ শিশুৰ পৰিবেশ যথেষ্টখিনি সলনি হৈছে |
যুগৰ লগত খাপ খুৱাই শিশু সাহিত্যত যুগৰ বতৰা দিবলৈ চেষ্টা কৰা হ’ল |মনীষী ব্যক্তিসকলৰ জীৱনী , নতুন নতুন আৱিস্কাৰৰ কথা ইত্যাদিৰে শিশু সাহিত্য আৰম্ভ কৰা হ’ল |ইলেকট্ৰনিক মাধ্যম, ম’বাইল ,দূৰদৰ্শন, চাবমেৰিন ,জাহাজ, ৰকেট, কৄত্ৰিম উপগ্ৰহ, বিমান, সুৰংগৰ তলেৰে ৰেল চলা ,খুব বেগত তথ্য সৰবৰাহ হোৱা কথাৰে এতিয়া শিশু সাহিত্য চহকী কৰিব লাগিব |এইবিলাক কথাই শিশু উপযোগীকৈ লিখিলে পৰীৰ সাধু হৈ পৰিব | তাহানিৰ দৈত্য-দানৱ ,ভূত-প্ৰেত , ভীমৰ অদ্ভূত চৰিত্ৰ আদি কাহিনী হয়তো আজিকালি শিশুক ক’লে বা কিতাপ আকাৰে দিলে মনোযোগেৰে নপঢ়িব |
এটা কথা মই ব্যক্তিগত ভাৱে বিশ্বাস কৰো যে-তৄণমূল পয্যায়ত এটিশিশুৰ বিকাশ নহলে কোনো কাৰণতে এখন দেশ , সমাজ অথবা কোনো দিশতে আগবাঢ়িব নোৱাৰে |সেই কাৰণে ইয়াৰ জৰিয়তে শিশু সাহিত্যিক গগণ চন্দ্ৰ অধিকাৰী দেৱৰ দৰে অনুৰোধ জনাঁও যে কোনো সদাশয় ব্যক্তিয়ে আগবাঢ়ি আহিলে মই পাৰ্যমানে সহায় ও সহযোগিতা কৰিবলৈ ৰাজি আছো |
পুৰণি অসমীয়া সাহিত্যৰ ভেটি আছিল সংস্কৄত সাহিত্য |আধুনিক অসমীয়া সাহিত্যৰ ভেটি পশ্চিমীয়া দৰ্শন |কিন্তু এটা কথা গভীৰ ভাৱে বিশ্বাস কৰো যে -পুৰণিক বাদ দি বৰ্তমান অস্তিত্বহীন |
শিশু এটাৰ মানসিক স্থিতি অধ্যয়ন কৰিবৰ বাবে বহুত চেষ্টা কৰিব লাগিব | আমি প্ৰত্যেকেই এটি লৰালিকাল পাৰ কৰি আহিলেও শিশুৰ মন:স্তাত্বিক দিশতো বৰ বেছি গুৰুত্ব দি পয্যবেক্ষণ নকৰো |
শিশুৰ বাবে লেখা এটা আৰম্ভ কৰিলে বহুতো কথালৈ চাব লাগিব -যেনে এটা কাহিনীত দুটা শিশুৱে কাজিয়া লাগিলে , কিকি বেয়া কথাই শিশু দুটাক ক্ৰিয়া কৰে , এই কথাবোৰ আঁতৰাবৰ বাবে কাহিনীয়ে
কি মূৰ লয় স্সেয়া অতি বিচাৰ্য্য বিষয় |
শিশু এটাই সৰুতে কি কৰি ভাল পায় , কি খায় ভাল পায়...নে কান্দি থকা শিশু এটাৰ বাবে কি কথাই আমোদ দিয়ে এই ক্থাবোৰ অধ্যয়ণ কৰিবলৈ আমি আমাৰ মাজত সোমাই থকা শিশুটোক জাগ্ৰত কৰিব লাগিব |এটা কথা নিশ্চিত যে আমাৰ প্ৰত্যেকৰ মাজত এটা শিশুসুলভ মানসিকতাই ঘূৰি ফুৰে |
মুঠৰ ওপৰত অসমীয়া সাহিত্যৰ শিশুৰ উদ্দেশ্যি লেখা ইংৰাজী ভাষাটো প্ৰয়োজন হৈছে |শিশু সাহিত্যৰ প্ৰতি জন ব্যক্তিয়েই সদা সচেতন হোৱা উচিত |
--ৰনৌজ কুমাৰ গগৈ
