গুৱাহাটীৰ চিঠি - ৪

১২ জুন ২০১১ , ২৮ জেঠ ১৯৩৩ শক, দেওবাৰ

গুৱাহাটীৰ চিঠি - ৪

"প্ৰজ্ঞাই প্ৰাণ পালে মনীষাই বুটলিব
মোৰ চিৰ সঞ্চিত অক্ষয় ভান্ডাৰৰ
হীৰা , মুক্ত , মৰকত মণি "

পৰীক্ষাৰ ফলাফল ওলোৱাৰ পাছত কৃষ্ণকান্ত সন্দিকৈ ছোৱালী মহাবিদ্যালয় , কটন মহাবিদ্যালয় , বি বৰুৱা মহাবিদ্যালয়, গুৱাহাটী বাণিজ্য মহাবিদ্যালয় আদিত নামভৰ্ত্তিৰ বাবে যথেষ্ট ভিৰ দেখা গ’ল | অসমৰ ইটো মূৰৰ পৰা সিটো মূৰলৈকে বহু প্ৰতিভাবান ছাত্ৰ -ছাত্ৰীয়ে ভৱিষ্যতৰ অলেখ সপোন লৈ নামভৰ্ত্তি কৰিছে নামী কলেজ কেইখনত | মুঠৰ ওপৰত অভিভাৱকসহ সন্তান একাকাৰ হৈ পৰিছে কলেজৰ দুৱাৰডলিত |


৬ জুন সোমবাৰে একেৰাহে তৃতীয়বাৰৰ বাবে মুখ্যমন্ত্ৰী হোৱা তৰুণ গগৈ নেতৃত্বাধীন চৰকাৰৰ প্ৰথম অধিবেশন আৰম্ভ হয় | ইয়াৰে প্ৰথমদিনা বিধায়কসকলৰ শপতগ্ৰহণ হৈ যায় | স্সমসাময়িকভাৱে ত্ৰয়োদশ বিধানসভাৰ অধ্যক্ষ নিৰ্বাচনত প্ৰনৱ গগৈ নিৰ্বাচিত হয় | তেঁও শিৱসাগৰ সমষ্টিৰ বিধায়ক হোৱাৰ লগতে যোৱা চৰকাৰৰ আইন মন্ত্ৰী আছিল | ৮ জুন অৰ্থাত্‍ অধিবেশনৰ অন্তিম দিনা বিধানসভাৰ উপাধ্যক্ষ ভীমানন্দ তাঁতীক নিৰ্বাচিত কৰা হয় | তদুপৰি এইবাৰ বিধানসভাত নতুন যুৱ প্ৰতিনিধি বেছি হোৱা হেতুকে বিধানসভাৰ ভিতৰচ’ৰা বহুত উগুল-থুগুল দেখা পোৱা গ’ল |


৭ জুনত গীতিকবি পাৰ্বতিপ্ৰসাদ বৰুৱাৰ মৃত্যু দিৱসৰ লগত সংগতি ৰাখি ভিন্ন ঠাইত পাৰ্বতিচাৰণ অনুষ্ঠান অনুষ্ঠিত হ’ল |

-" আই মোৰ সোণৰে অসমৰ
আই মোৰ সোণৰে মন্দিৰ
আই মোৰ ৰ’দৰ চিকেমিকে কৰে .....
........................................
আই মোৰ আইৰে চোতালত
আই মোৰ পাৰিজাত ফুলিলে ..."

- পাৰ্বতি প্ৰসাদ বৰুৱা |

আন্তঃৰাষ্ট্ৰীয় খ্যাতিসম্পন্ন চিত্ৰশিল্পী মকবুল ফিদা হুছেইন ৯ জুনত পৰলোক গামী হয় | তেখেতৰ আত্মা চিৰশান্তি কামনা কৰি শিল্পীসকলে শংকৰদেৱ কলাক্ষেত্ৰত একমিনিত সময় মৌনতা অৱলম্বন কৰি শ্ৰদ্ধাঞ্জলি জ্ঞাপন কৰে |

১০ জুনত কামৰূপ নগৰ বন বিভাগে উপায়ুক্তসহ গড়চুকত বন উচ্ছেদ কাৰ্য কৰোঁতে যথেষ্ট হৈ- চৈ লগা পৰিলক্ষিত হ’ল |এই হৈ- চৈ ৩৭ নং ৰাষ্ট্ৰীত ঘাই পথ অৱৰোধ পৰ্যন্ত হ’লগৈ |


অনাগত সময়ত বহুতো খবৰ বাতৰিৰ সৈতে আপোনালোকৰ আগত উপস্থিত হোৱাৰ আশাৰে চিঠিখন ইমানতে ইতি পেলালো |

ধন্যবাদেৰে

- চাও ৰিদিপ ৰঞ্জন
গুৱাহাটী |