গুৱাহাটীৰ চিঠি - ৫

১৯ জুন ২০১১

৪ আহাৰ ১৯৩৩ শক ৰবিবাৰ


গুৱাহাটীৰ চিঠি - ৫

আবেলিৰ কিন কিনীয়া বৰষুণে গুৱাহাটীত এইকেইদিন স্বস্তিৰ নিশ্বাস পেলাইছে | কিন্তু সমসাময়িকভাৱে গৰমে মানুহবিলাকক অলপহ’লেও কামৰ পৰা মনোযোগ কাঢ়ি নিছে | এই কথাটো অন্ততঃ মানুহৰ আচৰণৰ পৰা বুজিব পাৰি |


১২ জুন দেওবাৰে ৰবীন্দ্ৰ ভৱনত নিৰ্বাচন আয়োগে গণতন্ত ব্যৱস্থাত নিৰ্বাচন প্ৰক্ৰিয়া সন্দৰ্ভত আলোচনাচক্ৰ অনুষ্ঠিত কৰিছিল | আলোচনাচক্ৰখনিত ৰাষ্ট্ৰীয় পৰ্য্যায়ৰ বহুকেইজন নেতা - নিৰ্বাচন আয়ুক্ত এছ ৱাই কুৰেশ্বি , কেন্দ্ৰীয় আইন মন্ত্ৰী এম বীৰাপ্পা মৈল্লী , উত্তৰ পূৰ্বাঞ্চলৰ উন্নয়ণ দ্প্তৰৰ মন্ত্ৰী বিজয় কৃষ্ণ সন্দিকৈ , অসমৰ মুখ্যমন্ত্ৰী তৰুণ গগৈৰ লগতে বহুতো গন্য-মান্য ব্যক্তি উপস্থিত আছিল |


১৩ জুনত দিছপুৰত সংবাদমেলত শিক্ষামন্ত্ৰী ড০ হিমন্ত বিশ্ব শৰ্মাই শিক্ষাৰ স্বাস্থ্য সুদৃঢ় কৰিবৰ বাবে কিছুমান নীতি ঘোষণা কৰে | লগতে কয় যে অনাগত দুবছৰৰ ভিতৰত শিক্ষা ব্যৱস্থা সংস্কৰণৰ লক্ষ্য নিৰ্ধাৰণ কৰে | সংবাদমেলত তেঁওক যথেষ্ট কঠোৰ পৰিলক্ষিত হ’ল |

১৪ জুনত World Blood Donor Day | গুৱাহাটীত আনুষ্ঠানিকভাৱে ভিন্ন ঠাইত ৰক্তদান শিবিৰ আয়োজন কৰিছিল | বহুতোলোকে ৰক্তদান কৰিবৰ বাবে মুক্তভাৱে আগবাঢ়ি আহিছিল |


১৪ জুনত প্ৰথম অসমীয়া মহিলা চলচ্চিত্ৰ পৰিচালক সুপ্ৰভা দেৱীৰ গুৱাহাটীৰ ইন্টাৰনেচনেল চিকিত্‍সালয়ত দেহাৱসান হয় | মৃত্যুৰ সময়ত তেখেতৰ বয়স আছিল ৭৩ বছৰ | নয়নমনি , তৰামাই , সৰৱজান , ৰাংঢালী -ৰ পৰিচালক সুপ্ৰভা দেৱীৰ জন্ম হৈছিল ১৯৩৪ চনত |

১৫ জুনৰ নিশা অৰ্থাত্‍ ১৬ জুনৰ আৰম্ভণি , বিৰল পূৰ্ণগ্ৰাস চন্দ্ৰগ্ৰহণ ১২:৫৩ - ৩:৩০ এএম মিনিটলৈ হৈ যায় | ডাৱৰীয়া বতৰ হোৱা হেতুকে আংশিকভাৱে গুৱাহাটীত দেখা পোৱা গ’ল |পুনৰ ১৩০ বছৰৰ পিছত ২১৪১ চনত এই বিৰল চন্দ্ৰগ্ৰহণ দেখা যাব |


১৭ জুনত কাঞ্চনজংঘা এক্সপ্ৰেছ ৰখাই থোৱা অৱস্থাত গুৱাহাটীৰ ৰেলৱে ষ্টেচনত আই ই ডি সহ বিভিন্ন সামগ্ৰী গাখীৰৰ টেমাত উদ্ধাৰ হোৱা ঘটনাই চাঞ্চল্যৰ সৃষ্টি কৰিছে | এই বাতৰি বিভিন্ন ৰাষ্ট্ৰীয় পৰ্য্যায়ৰ দুৰদৰ্শন চেনেলত সম্প্ৰচাৰিত হোৱাত গৃহ মন্ত্ৰালয়ে অসম চৰকাৰক নিৰাপত্তা ব্যৱস্থা কটকটীয়া কৰিবলৈ নিৰ্দেশ দিছে | যিহেতু ২২ জুনৰ পৰা কামাখ্যাত অম্বুবাচী মেলা অনুষ্ঠিত হ’ব |


হৈ যোৱা সপ্তাহটোত গুৱাহাটীৰ লগতে ইয়াৰ আশে-পাশে পথ দুৰ্ঘটনাত বহুকেইজন লোকৰ প্ৰাণহানি হোৱা ঘটনাই চিতান্বিত কৰি তুলিছে মানুহৰ মাজত |পথ সুৰক্ষাৰ দায়িত্বত থকা আৰক্ষীয়ে গাড়ী চালকক আধুনিক প্ৰযুক্তিবিদ্যাৰ সজুঁলি মুখত লগাই মাদ্ৰকদ্ৰব্য সেৱন কৰিছে নে নাই প্ৰমাণ কৰি যথাবিহিত ব্যৱস্থা গ্ৰহণ কৰিছে |




ধন্যবাদেৰে ...

- চাও ৰিদিপ ৰঞ্জন
গুৱাহাটী