গুৱাহাটীৰ চিঠি - ৩

গুৱাহাটীৰ চিঠি-৩
৬ জুন ২০১১, ২২ জেঠ ১৯৩৩ শক সোমবাৰ

পূৰ্বৰ চিঠিখনত বৰ্ষাসিক্ত দিনৰ চমু আভাষ দিছিলো |অৰ্থাত্‍ বৰ্ষা ঋতু অহাৰ লগে লগে গছ-গছনিৰ পোখা মেলাৰ লগতে উৰ্বৰা শক্তি বৃদ্ধি পায় | কিন্তু মহানগৰীত এজাক বৰষুণ অহাৰ লগে লগে এফালে মানুহবোৰে কৃত্ৰিম বানপানীৰ সংকাত হৈ-ছৈ লগায় , আনফালে কিন্তু "গৰমৰ
পৰা ৰক্ষা পালো -ইমান গৰম এইকেইদিন বুলি সান্তনা লভে |" -

মোৰ এইখিনিতে ড০ নিৰ্মলপ্ৰভা বৰদলৈ ৰচিত
-" বৰ্ষা ঋতু ভাল পাঁও মই
প্ৰতিশ্ৰুতি আছে তাত ,
সেউজী ৰহন মাথোঁ সিয়ে সানে
শুকান গছৰ গাত ....."-( কন্ঠ -জয়ন্ত হাজৰিকা )
গীতটোলৈ মনত পৰে | সঁচাই বৰ্ষা ঋতু মই বৰ ভাল পাঁও |মনত পৰে বাল্যকালত ককাৰ সৈতে পথাৰত হালোৱা-ৰোৱনিক জলপান দৈবলৈ যোৱাৰ কথা |বোকা পানীৰে লুতুৰি -পুতুৰি হোৱা দিনবোৰৰ কথা |এতিয়া আৰু সেইদিন ক’ত ?মহানগৰীৰ পানীৰে গেজেকনি সৃষ্টি হোৱা পৰিবেশত দিন অতিবাহিত কৰিছো |


যা নহওক , পৰীক্ষাৰ ফলাফলবিলাকৰ মাজতে ভাৰতীয় প্ৰশাসনিক সেৱাৰ পৰীক্ষাত অসমৰ সাতজনে স্থান পোৱাত সকলোৰ মাজত
আনন্দ দেখা পালো |০৪ জুন ২০১১ চনৰ শনিবাৰে সদৌ অসম ছাত্ৰ সন্থাই ৰবীন্দ্ৰ ভৱনত সম্বন্ধনা জনাই তেওঁলোকক |ইয়াৰ সমসাময়িকভাৱে অসম উচ্চ মাধ্যমিক আৰু উচ্চতৰ মাধ্যমিকত স্থানপ্ৰাপ্ত কৃতী ছাত্ৰ-ছাত্ৰী সকলকো সম্বন্ধনা জনায় |

তদুপৰি অতি গুৰুত্বপূৰ্ণ যে মুখ্যমন্ত্ৰী তৰুণ গগৈয়ে শংকৰদেৱ কলাক্ষেত্ৰত ০৩ জুন শুক্ৰবাৰে অসম উচ্চ মাধ্যমিক আৰু উচ্চতৰ মাধ্যমিক ত স্থানপ্ৰাপ্ত কৃতী ছাত্ৰ-ছাত্ৰীৰ সৈতে মত বিনিময় কৰাৰ লগতে শুভেচ্ছা পত্ৰ প্ৰদান কৰে |বহুতো ছাত্ৰ -ছাত্ৰীয়ে মুখ্যমন্ত্ৰী গৰাকীক শিক্ষা ব্যৱস্থাৰ ওপৰত গুৰুত্বপূৰ্ণ প্ৰশ্ন উত্থাপন কৰে |তদুপৰি মুখ্যমন্ত্ৰী গৰাকীক এই প্ৰশ্নবোৰ বৰ গুৰুত্ব সহকাৰে শুনি থকা দেখা পালো |তদুপৰি মুখ্যমন্ত্ৰী গৰাকীয়ে প্ৰতিটো প্ৰশ্নৰ সাৱলীলভাৱে উত্তৰ দিছিল |সম্ভৱতঃ শিক্ষা ব্যৱস্থাৰ ওপৰত অনাগত সময়ত ভাল খবৰ আহিব বুলি চিন্তা কৰিব পাৰি - এই মত বিনিময়ৰ পৰা |


বহাগী বিদায় অনুষ্ঠান দিছপুৰৰ লাষ্টগেটত ০৪ জুন ২০১১ চনত অনুষ্ঠিত হৈ যায় |অংগৰাগ পাপন মহন্তৰ সংগীতানুষ্ঠানে দৰ্শকক আমোদ প্ৰদান কৰে |

গুৱাহাটীৰ দিছপুৰ লাষ্টগেটত বাবা ৰামদেৱৰ অনশনৰ সমৰ্থনত ৪ জুনৰ পুৱাৰ পৰা বহুতো লোকে অনশন আৰম্ভ কৰে |
গুৱাহাটী মন্ডলৰ CBSE দশম শ্ৰেণীৰ ফলাফল ৪ জুনত প্ৰকাশ পায় | উত্তীণৰ শতকৰা হাৰ ৮৫.৬২% |


৫ জুন বিশ্ব পৰিবেশ দিৱসৰ লগত সংগতি ৰাখি মুখ্যমন্ত্ৰী তৰুণ গগৈ আৰু পৰিবেশ ও বন বিভাগ ,পঞ্চায়ত ও গ্ৰামোন্নয়ন বিভাগৰ মন্ত্ৰী ৰকিবুল হুছেইনৰ উপস্থিতিত গুৱাহাটী চিকিত্‍সা মহাবিদ্যালয় প্ৰেক্ষাগৃহত বৃক্ষৰোপনৰ লগতে পৰিবেশ সজাগতা ওপৰত আলোচনা চক্ৰ অনুষ্ঠিত হৈ যায় |

এখন ধুনীয়া সেউজীয়া পৰিবেশৰ সন্ধানত ও মনবোৰ সেউজীয়া হৈ পৰাৰ আশাত চিঠিখন ইমানতে ইতি পেলালো |

ধন্যবাদেৰে ...
- চাও ৰিদিপ ৰঞ্জন
গুৱাহাটী |